Chin ram ah nikhat pakhat zin in Covid 19 mina 5 thi zo

Covid 19 ṭumhnihnak cu Chinram ah a thleng zo hlei ah zarhkhat kim hlan ah Covid nat in mi 5 an thi zo.

Cumicu Falam khuasung le Tonzang peng, Cikha khua in an si ih Falam ah 1, Cikha khua ah 4 ti`n Covid mina 5 an thi zo a si.

Tonzang peng, Cikha khua ah May 11 in Covid mina an hmu thok sal ih, tuisun June 3 tiangah Covid mina 100 luan an hmu zo.

May 30 ah thla 8 kimzo nau pai lai nupinu a thi ih, 1 June ah kum 70 mi pastor, 3 June ah kum 50 mi mipa pakhat le kum 54 mi nunau pakhat an thi bet tiah theih a si.

Falam khalah May 20 ah covid mina an hmu thok sal ih 3 June tiangah mina 10 luan an um zo.

Cumi ah besia deuh 2 an um ih 2 June sun nazi 12 hrawngah mina pakhat sawntu kum 50 mi nupinu pakhat cun in cem san a si.

Leave a Reply

Your email address will not be published. Required fields are marked *