Chin party na vote lole That na si ding in ti – Daw Tin Cuai

Matupi CNLD vice chairman ဦးလောင်ဟွန်း in an mah party vote dingin numi pakhat a hringhro ciamco tiah Chinland NLD Group ah an ngan ih hringhro tuartu ih sim sal lai video khal an tarlang cih.

An ngan mi vek a si le hringhro tuartu ဒေါ်ထင်စွေး cu Matupi, ခိုဘွေရပ်ကွက်, ဟာလ်တူး khua ih um a si ih Matupi CNLD vice chairman ဦးလောင်ဟွန်း in October 23 ni ah an mai party vote ding ih a sawm mi a cukha lo ruangah “CNLD na vote lo le lo that na si ding” ti tiang in a hro ti a si.

Cuih thuthawn pehpar in ဒေါ်ထင်စွေး cu rehsia lungphang in a um ih October 27 ni ah a hmuhtonmi hmuahhmuah cu NLD EC committee hnen ah report nak a nei ti`n Chinland NLD Group Facebook cahmai ah an ngan.

ဒေါ်ထင်စွေး ih report lai cu Video in an zuk ih, video sung ah cun “ka inn ah a ra ih sangka zawn a thlen ah ‘vote na pek ding le ka sim ding. Na pek lo ding cun ka lo sim sak lo ding’ in ti. Asinan, ṭongkamkhat hman ka sawn lo.”

“Politic thu le rampi hrilawnak ih tel ve tu ding palai thuhla in sim ciamco. Nan kei mah lam cun zo ka vote ding timi ka thinlung ah ka bot cat zo.”

“A ṭong mi ka ngaih sak lo zia a thei thiam ih ‘na duh lo timi ka thei’ ti`n a thin a heng ciamco. Kei cun ‘ka ngai ko’ ka ti ih a ṭong peh vivo nan kam khat hman ka sawn lo.”

“A phunphun in a ṭong rero nan ziang a ṭong ti khal ka thei mumal lo, ka lung cii a mit thluh. Awka danglam hringhro phunpha ih a ṭong ciamco cu, in capoh ah ka ruat lawk. Nan, karbak ih a suk phah ah ‘Chin party na vote lo le that na si ding’ in ti ih ka thin phang zet. Ziang hman khal ka sawn lo. Ka riahsia zet” ti`n ဒေါ်ထင်စွေး cun camera hmai ah a ṭong a si.

Leave a Reply

Your email address will not be published. Required fields are marked *