Chin nauhak Rebecca Van Sui Par ruak an hmu zo

US ram, Kansas tivapi ih tlak, Rebecca Van Sui Par (kum 11) cu Tlawngkai nikhat zaanlam ah a thi cia in a ruak an sar thu Kansas, Fire Department in official in a phuang.

Tiva ih Long to mipakhat in tidai par ih a phuanaw mi miruak a hmu ih, palik a sim thei hnu ah a ruak an phorhsuak mi a si.

Rebecca cu a sung le pawl thawn zarhte zaanlam ah colhhahdam dingin Kansas tivakap ah an feh. Tipikap ih an lek lai ah an bawhlung a tlak ih sar dingin Rebecca Van Sui Par a va feh ih a cangsual ruangah tisung ah a tlak.

Asung le pawl cun Palik an phone lohli ih theitawk suahin an hawl nan an hmu theilo. Zarhpi sun khal ah Meithat pawl in Lawng pathum thawn an hawl nan an hmu theilo. Cutin, tlawngkai nikhat zaan lam ah mi pakhat in a ruak a hmusuak mi a si.

Amah hi Kansas khua ih um Pu Bawi Tin le Pi Sui Ci te`i fa nu a si. Hlasak le lam peih/thiam zet a siih kohhran lam khalah pum pe aw zet mi a si.

Atan tami Innsungsang hrangah tuarthiamtheinak lungthin hngetkhoh an nei theinak dingah thlaza cam sak cio uh si.

ref:kshb

Leave a Reply

Your email address will not be published. Required fields are marked *