Chin mi ah pumkhat kan si timi langter in zaanriahkiil Thlacamnak Nei

2020 Myanmar rampi hrilawnak ah Falam peng in MP a zuamtu USDP, NLD, CNLD, INDEPENDENT Palai pawl cun mi pitling an si zia le upattlak lungput nei hruaitu an si zia langter in Rev. D. Vai Lian Zul te`i innsang rawlkil thlacam sawmnak an tel pi thu theih a si.

Party dang hman sehla Chin ram ṭhangso sin dingih hmalaknak nei duhtu an si zia langterin hitiih rawlkil thlacam saknak ih an teltlang mi hin mipi lung a ti hmui zet.

Hithuthawn pehpar in zaanriahkiil thlacamsaknak ih tel ve tu Dr. Mang Hup Luai cun “Campaign ṭheh hnu ah Peng le Ram hmunkhat kan si, kan lung a hmu aw, kut kai aw ding kan si ti langter in thunuam rel tlang in zaanriah kiltlangnak kan nei.

Rev. D. Vai Lian Zul (FBA GS) and family in Falam MP candidates zaten thlacam saknak zaanriah hil tlangnak asi. Inn sang in candidates zate laipuante orh in thla an camsak. Kan MP candidates zaten an lungawi, innsang par khal ah kan lungawi cio” tiah a mai` bulpak Facebook cahmai ah a tarlang.

Leave a Reply

Your email address will not be published. Required fields are marked *