Chin Arsi Tleu pakhat Dairial cang ta

Chin arsi tleu pakhat a si mi Rev.Dr. Rohmingliana in rinlopin Aizawl ah mual in liam san.

Pu Rohmingliana cu 2020 hrilawknak ih Myanmar mipi hriltlin NLD ṭuanvonei Pi Lalrinmuani (Chin Affairs Minister) ih innsangpa a si ih Myanmar rambuai ah raltlan dinhmun in Mizoram ih khuasa sung an si.

Rinlopin Mual in liam san mi thuthawn pehpar in Aizawl ih um Falam upa pakhat cun “thisensang nat nei a si ih April 29 zinglam nazi 9 luan hrawngah rinlopin lungmit in a tlu.”

“Aizawl, Civil Hospital ah tlanpi lohli a si nan Siibawi pawl in bawm thei nawn loin in cem san hi a si. Aruang cu Tahan lam ah tlunpi dingin an tawlrel” tiah a sim.

Pathian rongbawl nakih miropi pakhat a si Pu Rohmingliana cun Innsangnu Pi Lalrinmuani leh fanau pitling Pa Issac Hminglian (Tahan), Salai Muansangliana (Tahan), Nu Mercy Hmingliani (USA) te tantain Pathian ṭangneem ah a cawl ih a tantami innsang, sungkhat, unau tlun ah Pathian in a thar in remdaihnak pe hram dingin duhsaknak kan hlan ve a si.

Leave a Reply

Your email address will not be published. Required fields are marked *