Chin Arsi Benjamin Sum le Esther Dawt Chin Sung in Online Live Show Nei Ding

Chin mi hrang ih Arsi tleu pahnih a si mi hlasak thiam Benjamin Sum le Esther Dawt Chin Sung in Online Live Show an nei tum thu, October 22 ah an mai` Facebook cahmai fingfing in mipi simtheinak an nei.

Online Live Show cu October 24, zaan nazi 7:30 in 8:30 karlak ah OK dollar $ internet wallet le italo cappuccino tawlrelnak thawn tuah tum a siih Lucky draw, Covid 19 mina pawl bawmnakding tawlrelnak le fan pawl thawn Live video chat nak nei cih a si ding tiah theih a si.

Hih thu thawn pehpar in hlasak thiam Benjamin Sum cun, “Covid 19 boruak thawn show tuahlonak rei zet hnu, hmaisabiknak Online Show cu October 24 zaan ah Esther Dawt Chin Sung thawn kan nei tum. Hla fing 4 ka sak dingih Lucky draw le Summer pawl thawn live video call nak khal kan nei ding. Cuih tlun ah Covid 19 mina pawl bawmnakding hrang ah OK dollar internet wallet thawn tawlrelnak kan nei ding ih bawmnak pek khal a theih cih. Curuangah a ra ding mi zarhte zaan nazi 7:30 in 8:30pm tiang ka page ah live video rak thlir dingin ka lo sawm a si” tiah tarlang in a sim tel cih.

Esther Dawt Chin Sung khal in, “a ra dingmi zarhte zaan nazi 7:30 in 8:30pm tiang live zoh dingin ka lo sawm. Himi kan tuahnak san cu Covid 19 mina hrang ah OK Dollar internet wallet thawn kopaw in bawmnak pe ding ah a si. Zokhal a tam a mal ti um lo in nan tel thei. Cuih tlunah phone bill thawng 5 in ting 5 tiang lucky draw a um ding a si,” ti`n Esther DCS official Facebook cahmai ah a tarlang.

Leave a Reply

Your email address will not be published. Required fields are marked *