Chin Arsi Benjamin Sum Covid – 19 Positive

Myanmar ram lawng siloin Mizoram tiang i hminthang Chin arsi Benjamin Sum cu Covid 19 nat a nei tiah The Zomzam Times in a tarlang.

Benjamin Sum cu Innsang damlonak ruangah le thuphunphun ruangah Mizoram ah a um lai fang a si ih, tuisun June 1 ah nat check nak an nei tikah Covid nat a nei mi an hmusuak a si.

Mizoram hrambun The Zozam Times cun “Atufang Luangmual, Aizawl ih um Myanmar Idol 2019 runner-up Benjamin Sum
cu LRM siizung ah RAT hmangin Covid 19 nat zohnak an nei tikah nat a nei mi an hmusuak a si. Asinan, hriselnak lam ah Covid nat pianhmang a lang lo” tiah an tarlang.

A fan pawl hrang ih tuahmi FB group khalah Benjamin Sum Covid a positive thu le damlohli dingin thlaza camsakcio dingah dilngennak an nei.

Benjamin Sum Covid positive thu thawn pehpar in tuhrih tiangah amah lam cun official in a phuang lo ih nat hmuhsuah a si thu ah kan nih khalin bulpak in kan nemhnget theilo.

Leave a Reply

Your email address will not be published. Required fields are marked *