Cherry Zahau in Master of Science International Business with Law ongnak Capi dong

Rinsantlak Chin mi tamzet lakih kan rinsan zet mi Women’s right activist, Politician Cheery Zahau cu leitlun University hminthang Salford University, UK ihsin Master of Science International Business with Law ongnak capi a ngah thu theih a si.

Cheery zahau cun Pathian kutcak ruangah fimzirnak lam ih tumtahnak ka nei mi cu ka hlawhtling a si tiin tangdor nun nei zetin Pathian hnen ah lungawithu a sim ih a sungkhat unau rualpi le a pasal hnen khalah lungawithu a sim a si.

Amah cun, “Pathian a tha. Master of Science International Business with Law cu Salford University, UK in ka ttheh fel ta. Merit pass ti cu mark 60 tlun a si. Nau pahnih thawn, office hna tuan phah thawn, hihnak ih mark sang cu beisei ngam lo”.

“Pathian parah lungawi thu ka sim. Naomi pa le ka nau Ruthi, ka nu le nau le dang dang in ca ka zir can ah nau um, inn lam cangvei mawhphurhnak an la, in bawm. An mah tel lo in ka ttheh thei hrim hrim lo.”

“Ka dissertation hrang interviews in pe tu Dr. Thant Myint-U, Dr. Sean Turnell, Dr. Thet Thet Khaing, Kawl ram ih business leaders lang sar pawl parah ka lungawi. Ka rualpi Dr. Andrea Valentina, Nicola le Geraldine pawl parah lungawi thu ka sim bet duh.”

Cheery zahau ih hmin ngai cu Tuan Cer Sung a siih 1981 ah a piang. A nauhak lai ihsin Human Rights lam ngaisak zettu a si ih Women right thawn pehpar mi pawlkom tamzet khal ah hna a ṭuan.

Amah thei tawk in Chin mipi hrang ah pumpekaw zettu a siih 2011 Chin Person of the Year ngahtu khal a si.

A hnaṭuan that ruangah le a teimaknak ruangah International level ih hminthang a siih kum 2017 ah UNDP in N-Peace Award an pek ih kum 2018 khalah European Union Myanmar Delegation ih theihpinak Schuman Human Rights Award a ngah a si.

Atu ahcun a pasal le fa 2 thawn Yangon ah an um ih CNLD pawlkom ramkhel dinhmun in Chin mipi hrang ah hna a ṭuan rero a si.

ref & photo :Cheery Zahau FB, Wiki

Leave a Reply

Your email address will not be published. Required fields are marked *