Cherry Zahau in CNLD mi le sa zate hnen ah ThuCahNak a Nei

Tulaifang hi Myanmar rampi hrilaw ni a nai thlangih party tinkim in mipi hiip in social media ah cangvaihnak an nei rero laifang a si.

Mai` bulpak Facebook cahmai ah le Group tinkim ah party ṭannak ca thlahtu an tam ih nauhak upa ti lo in ṭongkam mawilo hmang ih kapawtu khal an um.

Cuvek kapawnak pawl ah luarkai ṭongkam mawi lo bulpak kapawnak ṭongkam hmang hram lo dingin le kan thinlung a pitling zia langter dingin CNLD sungtel Cheery Zahau cun a mipi hnen ah forhfialnak a nei.

Cherry Zahau cun, “CNLD mi le sa kan zaten, kan ṭongkam in mi siatnak, huatawknak, tawng mawilo kan hmang lo hram hram pei. CNLD kan za ten kan thinlung a pitling zia kan lang ter sin sin a tul.

Kam ram, miphun, khua remṭha tuding, hruaitu ding, ticak tu ding kan si vekin, kan thinlung put khal pitling thinlung put a si a ṭul.

Mahama Ghandi ih a sim mi “Be the change you want to see” ti mi kan hngilh lo hram pei uh.

Asinan, thudik ah kan tang ding. Thudik sim a tul caan ah zo hmam ṭih lo, ziang tik hman ah ṭih lo in kan sim ngam fawn ding” tiah a mai bulpak Facebook cahmai ah a tarlang.

Leave a Reply

Your email address will not be published. Required fields are marked *

error: hahahahahaha !!