Chaungkhuah Doawknak ah Pu Ram Hlur nunnak liam

April 1 ih ralkap le Mipi kapawnak ah kum 68 mi Pu Ram Hlur (Ni Meng pa) nunnak a liam tiah theih a si.

Mipi le kawl ralkap doawknak cu Gangaw-Kalay ziinpi ih um Chinmi tamzet khawsanak Chawngkhuah khua ih thlaanmual kiang ah a si ih Pu Ram Hlur thih thu cu a sungte pawl hnen ihsin theih fel mi a si.

Tuisun kapawnak ah kum 45 mi U Aung San Oo khal a nunnak a liam cih tiah theih a si ih Chaungkhuah khau ih rinsan zetmi mino pakhat khal ralkap pawl in an kai cih ti a si.

Tuisun doawknak ah ralkap lam khalah mithi le hliamhma tuar an um tiah theih a si nan mithi zat le hliamhma tuar zat cu theih fel a si lo.

Kalay kiangkap ih kahawknak hi March 28 in a ṭan thok ih tuisun April 1 ni tiang a zonzon in nitinten kapawknak a um ih kan Chinmi Miralṭha 4 hnak ih mal lo kan sung zo a si.

Leave a Reply

Your email address will not be published. Required fields are marked *