CDM ih teltu Siizung hnaṭuan pawl Cozah inn ihsin an dawi suak thok

Kawl ralkap cozah in Falam telin Chin ramkulh khua ṭhenkhat ih Siizung hnaṭuan CDM teltu pawl cu an umnak quarter ihsin a dawi suak thok.

Hakha le Tedim ahcun Siizung ih hnaṭuan CDM teltu pawl cu March 12, zaanlam nazi 3 caankhiah sakin ralkap pawl in an umnak quarter ihsin an suakter thulh tiah theih a siih Falam Siizung ih hnaṭuan pawl khal CDM i an lut thluh ruangah an umnak cozah inn suahsan dingin ralkap lam in thu an suah.

Falam mino pakhat cun “atu hi thil kan thiarpi rero laifang a si. Miṭhen cu khuasung khuate naivai ih sungkhat unau nei khal an um. Hmun naivai ih sungkhat unau neilo pawl cu Surbung ih Zion thlacamnak lam le a remcangnak tete ah an cer hrih” a ti.

Falam mino pawl cun Vankau Siizungpi le OPD lam ah inn ṭhawn bawm dingin tlangthannak an nei tiah theih a si.

Falam CDM Supporters
Falam Siizungpi ah so cio uh sih
Falam Siizungpi ih hnatuan tu CDM tuah pawl an um hmun, inn(အိမ်ယာ) ah um siang an si nawn lo ruangah, inn thilri pawl phur sak ding a si ruangah Falam khuasung ih a um mi nu le pa , u le nau, Fala tlangval thazang suah in thlakung zawn in va bawm cio uh si # Motor , tungbing(သုံးဘိန်း) motor cycle thawn so cio uh sih

zuk:Chinlung Today

Leave a Reply

Your email address will not be published. Required fields are marked *