CDF Mindat in ralkap mawṭaw 6 Urkang sak

Kyaukhtu in Mindat lam ih kaiso SAC ralkap cu CDF Mindat in lamlakin an naui lala ih ralkap mawṭaw 6 an urkang sak tiah theih asi.

May 14, zinglam nazi 10 hrawng ih thil thleng a siih CDF Mindat ṭuanvonei mipakhat cun “SAC ralkap motor 6 an ra kai so. Tuahcun a kaang thluh zo. Meithal ralthuam khal kan lak sak. Miruak cu a pung in an pung. Ralkap ṭhenkhat cu ziinsir khaamsuk lam pan in an tlan hlo” tiah KTM hnen ah a sim.

Mindat Civil Defense Force le SAC ralkap cu kahdocawlh thutiam ṭhiatbal in May 12 ihsin an kapaw thok ih CDF Mindat mino pakhat mual a liam zo.

Boruak a sosang vivo ih SAC ralkap in May 13 ah Martial Law an phuang nan, mipi ukhruaitu pawlkom lam in mahte Ukhruaiawknak “Daan” an hmang pehzom ding thu May 13 ah theihternak ca an suah ve.

Cutin, kaphnih karlak boruak a sosang vivo ih tuini May 14 zinglam nazi 10 hrawngah Mindat CDF in khua lam pan ralkap mawṭaw an rak ciilnuai sal mi a si.

Lamlak ih ciilnuainak ah ralkap ziangzet an thi ih mipi lam teh hliam tuar an um maw tvk cu thufelfai a suak hrih lo.

Leave a Reply

Your email address will not be published. Required fields are marked *