CDF Matupi Sakhaan an luhcilh ih mipakhat an kap that

Atufang Chinram boruak sosang zetnak Matupi-Mindat karlak ih CDF Matupi sakhaan fate pakhat cu May 1 ah ralhraang ralkap pawl in an luhcilh ih kahdonak a suak.

May 1, zaanlam nazi 5 hrawngah an luhcilh ti a si ih buainak boruak ah CDF Matupi ralkap pakhat thi`n, hriam tuar pakhat a um tiah theih a si.

Ramsung media ṭhenkhat tarlangdan ah Sakhaan an siim hlan ah ralhraang umnak ခလရ 304 tatyin ihsin turbin thawn an rak zoh fel cia ti a si ih, Sakhaan luhcilh a si lai ah CDF-Matupi ralkap thawn nasaten an kapaw ih ralhraang lam mithi an tam ding tiah ruah a si nan thuhla felfai theih a si lo.

Doawknak ih ralhraang kut tuar CDF-Matupi ralkap cu minote a si ih, ram le miphun hrang a pekawknak cu mipi humtu ralkap in kan theihpi ti`n CDF-Matupi in tuni May 2 ah suunnak capi an suah a si.

Siarbet : Mindat-Matupi zinpi ah ni 3 zon in SAC ralhraang le CDF an kap aw

Tuni, May 2 zinglam ah Chin ramkulh, Mindat-Matupi zin ah ralhraang SAC ralkap le mipi humtu ralkap pawl nasaten an kapaw.

Matupi ihsin Mindat lam pantu SAC ralhraang mawṭawtlar le lamzin sialsaktu pawl cu April 30 ihsin CDF Mindat in an rak kap ih tuzing khalah an kapaw bet tiah theih a si.

Mindat CDF ṭuanvonei mipakhat cun “Tuzing ah ralhraang ralkap 5 an thi. Peng ban 50-60 karlak hrawngah a si. Ralhraang lam mi 5 an thi ih hriam tuar an tam. Thuthang kan ngah dan ah ralhraang pawl dunglam ihsin an kap ti`n kan thei” a ti.

Tuni, May 2 zinglam ah Chin ramkulh, Mindat-Matupi zin ah ralhraang SAC ralkap le mipi humtu ralkap pawl nasaten an kapaw.

Matupi ihsin Mindat lam pantu SAC ralhraang mawṭawtlar le lamzin sialsaktu pawl cu April 30 ihsin CDF Mindat in an rak kap ih tuzing khalah an kapaw bet tiah theih a si.

Mindat CDF ṭuanvonei mipakhat cun “Tuzing ah ralhraang ralkap 5 an thi. Peng ban 50-60 karlak hrawngah a si. Ralhraang lam mi 5 an thi ih hriam tuar an tam. Thuthang kan ngah dan ah ralhraang pawl dunglam ihsin an kap ti`n kan thei” a ti.

Leave a Reply

Your email address will not be published. Required fields are marked *