CDF – Hakha in Traffic palik bawi 3 telin Dalan 4 an kai

Chinland Defense Force – Hakha cun Traffic palik bawi 3 telin SAC ralkap milai Dalan 4 an kai thu May 14 zaan ah an phuang ih an kaih naksan khal an tarlang cih.

SAC ralkap kutsung ih um kaihkhih tuar mipi thawn thlengaw dingin an kai mi a si ih “May 15 zinglam nazi 8 netabik ah retin kaihkhih tuar mipi zate`n nan thlah lo cun kan kut ih um mi 4 nunnak hrang tiang ṭuanvo kan la lo ding” tiah theihternak an nei.

CDF Hakha ih kaihmi Dalan 4 cu U Soe Lwin (Chin state Traffic Police Chief), U Soe Win Than – (Deputy Chief of State Traffic Police), Pu Sung Ki (Deputy Chief of State Traffic Police) le U Sai Tun pawl an si.

Hakha khua kiang hmun pakhat ah kan kai mi a si tiah Chinland Defense Force in Facebook cahmai ah an tarlang ih pehtlaih nakding phone number khal an tarlang cih.

Atlaibik May 15, zinglam nazi 8 caan an pe ih SAC ralkap lam in an duh an thluh lo cun ziangtin tuah an tum timi cu an ngan tel lo.

Leave a Reply

Your email address will not be published. Required fields are marked *