CDF – Hakha in Chuncung khua ngaidam dilnak le ralrin peknak nei

May 16 ih Chuncung khua kiang doawknak thuthawn pehpar in CDF – Hakha in Chuncung khaumi hnen ah ngaidam dilnak a nei ih ralrin peknak khal a nei cih.

“SAC ralhraang le CDF Hakha cu Chinram Falam le Hakha karlak, Chuncung Khua kiangah May 16, zaanlam nazi 5:30 in 8 tiang doawknak kan nei. Ralrinnak hrangah Chuncung khuanu/pa, Mino hnen ah simtheinak nei hmasaloin kan um cu in theithiam hram dingin zangfah kan lo dil.”

“Ralhraang a simi ralkap cu mizapin kan do lai ah pumpak zawnruahnak le miatnak lawng ruatin CDF Hakha cangvaihnak ralkap hnen ih simtheitu Chuncung khuami nan um pang cun nazetin daantatnak kan nei ding tiah theihternak kan nei duh” ti`n CDF Hakha in ca an suah.

May 16 ih Chuncung khua kiang nazi 2 luan doawknak ah SAC ralkap lam mithi 6 le hriam tuar 10 an um tiah CDF in ca an suah ih mipi humtu CDF Hakha lam ah pacangno Salai Van Biak Ling nunnak a liam ve ti`n CDF in a phuang.

Leave a Reply

Your email address will not be published. Required fields are marked *