SAC ralhraang Ukhruainak hnuai ah Khualtlawng pakhat ih Hmuhtonmi

Kandung kum December thla khan Yangon ah ka paisa bawm in fir sak. Paisa bawm ah မှတ်ပုံတင်, driving license, Tlawngta id le ATM tipawl a tel ih ca poimawh tamzet a hlo cih.

Cumi caan karlak ah kan khua ka tlung tum lo nan SAC ralhraang in uknak an lak hnu cun humhimnak hrang မှတ်ပုံတင် tuah a ṭul ruangah tlunlo theihlo dinhmun in kan khua Mawlamyine ah tlung dingin thuthluknak ka tuah. Cumicu မှတ်ပုံတင် tuah a ṭul ruangah a si ih မှတ်ပုံတင် umlocun ca thupi a hlo cihmi pawl tuah sal a theih lo tikah tlunglo theihlo in tlun ka tummi a si.

February 1 ih rampi a buai hlan thla 4 hrawng khan kan khua ah voikhat ka tlung. Lamtluan ah mawṭaw kilkhawitu hnen ih မှတ်ပုံတင် number ka sim baaklo cu hmun dangah မှတ်ပုံတင် thawn pehparmi zianghman rel aṭul lo. Check gate tla a um tuk lo.

Nan, rampi a buai hnu, boruak umdan a thlengaw thluh mi cu kei mah rori`n ka hmu/tong thlang. Ramsung khualtlawn sukso dan a har cuang hlei ah himlo zetin ka thei aw. Lamtluan ah Check gate a tam hlei ah a caancaan ah ralkap le palik in mi vaidip le phone tiang an check sak. CDM cangvaihnak, Dothleng cangvaihnak ih teltu lole cupawl bawmtu siding tiih rinhlehum deuh cu taksa tiang dap sakin thusutnak phunphun an nei hlei ah awmanglo tukin mi an kai.

Hivek tong ding ti thei cingin ngamlo cingten Mawlamyine lam pan in ka poksuak hi a si. Ahlan ahcun မှတ်ပုံတင် umlo khalin palik zung lole venglal theihpinak ca thawn khualtlawn a theih. Asinan, tuboruak ahcun Venglal ṭhenkhat le CDM tuahtu an um. Zung ṭhenkhat le urkang lole bomb puah tuar tivek a si tikah theihpinak ca lakding (ထောက်ခံစာ) a remcang lo. Cun, palik zung ah lak dingin le kaihkhih phan a um tikah မှတ်ပုံတင် copy lawng kengin Yangon ihsin ka pok suak.

Yangon-Mawlamyine ziin ih tlanmi Bus thawn check gate tong hmasabik cu Bago luhnak a si. Bus to pawl tang ṭum ṭul loin ralkap le palik pawl cu မှတ်ပုံတင် le Bus totu check dingin an hung kai ih, မှတ်ပုံတင် copy ka hmuh hnu ah id a hlo thu le a thar tuah dingin kan khua ah ka tlung tummi a si thu palik hnen ah ka sim.

Palikpa cun id umlo cun kaihkhih theih a si thu, palikzung lole venglal hnen ah thiehpinak ca lak ding a si thu, awring zetin a rel hnu ah ka vaidip check in an cawklet thluh. Vanṭhatnak ah cutin check gate kan pahtlang thei ih pahnihnak check gate khalah cuvek thotho in kan fehtlang thei.

Netabik check gate ahcun bus totu zaten in ṭum ter thluh. မှတ်ပုံတင် an check hnu ah kei khalin a si dan ten ka sim sal ve. Cumi ah hmaisa check gate thawn an bangawlo nak cu မှတ်ပုံတင် kenglotu cu paisa kuan ding an timi hi a si. မှတ်ပုံတင် khawi a thleng, ziangruangah na keng lo, Mawlamyine ah ziang na tuah tum ti`n a zonzon in thu in sut.

Culaiah ralkap pakhat cun mawṭaw mawngtu ih tansannak tivek umlo dingin lakphak man phorh aw la a remcang ding inti. Kei khalin kyat 10,000 ca ka phorh lohli ih ka pek hnu ah kan bus cu a feh pehzom thei.

Thinphang phah ih khuatlawng ka si nan Mawlamyine ka thleng hnu မှတ်ပုံတင် ka tuah cu ka mangbang zet. လဝက hnaṭuan mipakhat hnen ah a ṭulmi ca pawl thawn paisa kyat 50,000 ka pe hnu a thaizing ah မှတ်ပုံတင် ka ngah cih.

မှတ်ပုံတင် hlun ka tuah lai cu 2014 ah a si ih cuih ṭum ah form fillup, ca thupi pek mi an check nak tivek thawn ṭuanvoneitu tong dingin nihnih peh in zung ah ka hngak ṭul. Tuahman ka pe lo ruangah မှတ်ပုံတင် cu ni 10 hrawng ka hngak ṭul. Azaten thilṭul cemliammi cu kyat 2000 hrawng lawng a si.

Mawlamyine suahsan in ka tlunglam cu ka fehlam ai in security check gate pawl a besia sawn. Palik le ralhraang pawl in KNU hmunram ih raldo zirtu mino an hawl tivek thuthang khal ka thei. Nan, lamlak ih ralkap le palik cun cuvek thu cu mi an sut hran lo. Mawlamyine ihsin nazi 3 sung feh ṭul nak hmun Check gate kan thleng cu ralkap le palik in thuhla cipciar zetin insut ih kan vaidip khal in kau sak thluh. Mon ram ih မှတ်ပုံတင် tuahmi neilotu phei cu cipciar zetin thu an sut cuang.

Check gate pahnihnak cu Bago le Mon ram pehzomnak စစ်တောင်း lilawn kiangah a um. Cuih hmun ah ka hmai ih to mino pakhat cu palik in ṭum dingin an ko. Ayeyarwady ih tuahmi မှတ်ပုံတင် neitu a si ruangah ciapciar in thusut a ṭul tiah palikpa cun a ti. Kan mawṭaw a poksuak zawn ah kiangkap ka zoh cu check gate ah mipum 60 hrawng an um mi ka hmu. Thusut ding lole kaihtuar mino khal an si thei. Mino ṭhenkhat cu kut khih in an um. Zo pawl an si, ziangruangah kaih an tuar ti ka sut duh zet nan kei mah tiang in kai thei ruangah ka hmur ka zip mei.

Kan rat lam ih buaibainak umloten kan pahtlang theimi Checkgate 3 nak kan thleng cu rinlozetmi thusuhnak ruangah paisa ka kuan phah thluh. မှတ်ပုံတင် an zoh ih “ziangruangah na id cu a thar” tiah thu in sut ih buainak an hawl. Ahlo ruangah a thar ka tuahmi si ti`n ka sim hnu ah buainak dang a suak hlan ah ti`n ratlam bangin lakphak man ka kuan phah thluh.

Check gate 4 nak cu Bago luhnak ih Puratum check gate a si. Cunah ah မှတ်ပုံတင် in check hlei ah kan phone tiang in zoh sak. Kei cu khualtlawng hlan ihsin social media siseh ca post mi le phone history tiang ka thianfai thluh cia tikah buainak ka tong lo. Miṭhen cu check tuar zikih mithmai sia, thinhar hmelpu khal an um.

Palik le ralkap pawl cun lamzawh duhphorhnak le Dothleng cangvaihnak zuk kan hmu cun kaihkhih an si ding tiah an au phah. Cuvek dinhmun a si ruangah mawṭaw totu ṭhenkhat cun paisa an kuan. Ka sut hai tikah kyat 50,000 le 100,000 petu khal an um. An pek dan a bang aw lo.

Social media ih ca tarmi le zuk an kolmi i zirin paisa an kuan. Nan, mawṭaw tapiang cun an check ve lo. Phone check sak lomi khal an um. Athupibik cu မှတ်ပုံတင် an check.

Ka kiang ih totu mipakhat cun Yangon-Mawlamyine karlak ih khualtlawng ringring ka si nan ram buai hlan ah hivek boruak ka tong dah lo a ti.

“Ahlan ahcun khawi hmun i kan tlawng khal a si le phan ding zianghman a um lo. Nan, tucu thimzing lakih ummi vek kan si. Meithal hriamhrei hmangin mipi in suam” ti`n thinheng zetin a rel……

via …. Frontier

Leave a Reply

Your email address will not be published. Required fields are marked *