C.Zamual, Tili le Congheng khua pawl in an lungput mawi an langter

Covid-19 pulhnat boruak ah Falam khuami kan talbuai laiah duhdawt lainatnak thawn C.Zamual, Tili le Congheng khua pawl in Falam mipi hrangah Loramsuak thlaihnah, thlairah phunphun an hlu a si.

July 22 ih Congheng khua pawl hlu mi thlaihnah, thlairah cu We Love Falam group le Volunteer pawl in a ṭultu innsungsang hnen ah an zem suak zo ih, tuni ih Tili khua pawl hlu mi khal cu an mah pawl thotho in zem suak in ṭuanvo an la a si.

C.Zamual khuami pawl ih hlumi Loramsuak hanghnah hangrah phunphun cu Falam Covid Volunteer pawl in a zem lam ṭuanvo an la ih, tuni July 24 ah Falam khuasung innsang 244 hnen ah an zem suak tiah theih a si.

Hmailam tikcucaan khalah sumsaw in maw, Loramsuak hanghnah hangrah phunphun thawn maw, Falam mipi hrangah hlu theih ringring a si ih, a hlu zotu zate par ah Falam mipi in simcawklo lungawinak kan nei a si.

Leave a Reply

Your email address will not be published. Required fields are marked *