Bungbel tal ciamco ruangah Falam Mino pahnih kaihkhih tuar lawk

Myanmar rampi thuneihnak cuhtu ralkap dokalh langternak cu zaan nazi 8 hrawngah rampihuap in bungbel talawn ciamconak thawn nei cio a siih Falam ih cangvaihnak rak neivetu mipahnih cu kaihkhih an taur lawk nan thlah zalensal an si tiah theih a si.

“Zaan 8 hnu hrawng ah a siih hlasakthiam Lian Sang le mipakhat cu bungbel talnak ruangah palik in an kai ti thu kan dong. Falam mino sawm khawmaw in palik zungah kan feh. Ṭuanvoneitu thawn biakfelawk a si hnu ah kaihkhih tonglawk mipahnih cu Aa-mah-khan in an thlah sal” tiah Hram pakhat in FOM hnen ah sim.

Hih thuthawn pehpar in Falam Mino Pawlkom cun hnuilamta bangin theihternak ca an suah a si.

Tuizaan Duhphorhnak ih a cangmi thawn pehpar in
(1) Mino pa 2 an kai veten ṭuanvo kan pekawkmi mino pawl kan pok cio ih veng dangdang ih mino pawl phone aw khawm in palik zung hmai ah mino 60-70 rual in thlahsak dingin dilngennak kan nei.

(2) Mino lak ihsin mi pa 2 thawn thuhla rel tlaang dingah palik in sangka in onsak ih thuhla va relpinak kan nei.

(3) Mino lak ihsin pa 2 lut sal dingin siannak kan ngah ruangah kan lut sal ih Palik pawl cun
ziin par le ziinkap ah tum lo in innsung ih a tumtu pawl cu an kai lo ih zaan dang khal ah mai inn sung ihsin a tumtu pawl cu kai an tum lo thu in simfiang.

(4) Palik pawl cun kaih a tuartu mino pa 2 cu in thlahsak thei ding thu le Aa-mah-khan cu hmaizarh tlawngkai ni 1 ni ah Civil Court ah a hmin te ih va peksak dingin in dil ngen ve.

Mipi zate theih tulmi
A. Kan innsung ah zalen zet in duhphorh theinak kan nei. Ziin par ah le inn leng ah suak lo ding.
B. Palik pawl va tihrim le ngiar zawng ih cangvai asilole zuri sabah ih um in a leng ih duhphorh lo ding.

Himi pa 2 pahbal tu kan um ahcu Falam Mino Pawlkom in tuzaan bangtuk in kan bawm thei nawnlo ding a si.

Leave a Reply

Your email address will not be published. Required fields are marked *