BreakingNews : Hakha khuasung ah nasa zetin an kapaw

May 4, zaanlam nazi 8 kim zik hrawng ah Hakha khuasung ah meithal puak thawm a thang tiah theih a si ih ramsung media ṭhenkhat cun Innwa Bank hmai ah an kapaw rero tiah an tarlang.

Mithi, hliamhma tuar an um le umlo cu theih a si hrih lo ih Hakha khuasung um mipakhat cun “atu khalah meithal puak awn kan thei rero. Thawmvang umdan in cu na nawn ih kahdonak siding zum a um” a ti.

Tui zaanlam nazi 5 hrawng khalah Khualhring tlang lam in Hakha lam pan SAC ralkap mawṭaw pakhat cu CDF Hakha in lamlak in an rak kap tiah theih a si ih CDF – Hakha hotu pakhat cun mithi um ding a zum thu Hakha hrambun media hnen ah a sim.

An kahnak cu Hakha le Thantlang karlak ziinpi ah a si ih a hmun ih telvetu hruaitu pakhat cun “Zaanlam nazi 5 hrawngah a si. Mawṭaw pakhat thawn Hakha lam an feh lai ziinpi ah kan rak kap. Mipaziat an thi ti cu a ciang lo. Nan, a thi cu an um hrimhrim ding” a ti.

Chinram uktu SAC ralkap in Hakha Chinland Defense Froce dilngenmi an thlun duhlo ruangah May 2 zaanlam in Hakha khualipi ah kahdonak a suak thok. Cuih zaan ah SAC ralkap 4 an thi tiah thuthang a suak.

May 3 zaan khalah Hakhathar lamziin tongawknak checkgate ah CDF lam in duty tu ralkap milai pawl an kap tiah thuthang a suak ih ṭuanvonei mipakhat cun “kan dilmi an thlun duhlo ruangah warning pek ṭhit phah in kan kap ih mithi 4 le hriamhma tuar 10 luan an um” tiah Mizzama hnen ah a sim.

May 2 le May 3 kahawknak ih meithal puak thawm hi mipi lam khalin khuasung tiang a thang ban tiah an sim nan ralkap lam cun kahaw thu khal an phuang loih mithi umthu khal atutiang tlangthannak an nei hrih lo.

zuk : tuhlan ta hmang menmi a si….

Leave a Reply

Your email address will not be published. Required fields are marked *