Bomb pal ngah ruangah Ramthlo Baptist Pastor ke bul

Falam-Hakha ziinpi ih um Ramthlo Baptist Church Pastor Aung Shwe cu tuzing March 5 ah Lo lam pan in a poksuak ih lamziin ah leiphum bomb a pal puak ngah ruangah a Ke a bul.

“Boruak fai deuh laifang ah Lo ih aa-lu ciin dingin a ci pawl ka ret tum lai ah hibangtuk in ka cangmi a si” tiah Pastor Aung Shwe in a ti.

A kehlam Kemit ihsin a bul ih vansiatnak a tong veten phone thawn mi simthei in bomb nak a dil hai a si.

Pastor Aung Shwe ih hriam tuar mi cu ṭha zetih enkol a ṭul ruangah Dokțhek raltlan pawl vehvaitu FTIMT ṭuanvonei pawl in mawṭaw thawn Falam siizungpi ah an tlanpi.

Falam-Hakha ziintluan cu tuzarh thok hrawng khan boruak a sosang ih, Hakha lam pantu SAC ralhraang mawṭawtlar cu hriamkai ṭangrual pawl in Lampitluan ah an rak kap phah vivo tiah kan thei.

Leave a Reply

Your email address will not be published. Required fields are marked *