Bike thawn pah ngah ruangah Falam Covid 19 Volunteer ke ruh kiak

Falam ih um Covid 19 Volunteer Mai Ngun Za Mawi cu zuri pa in bike thawn a pah ih a ke ruh pahnih a kiak.

October 12, Zaanlam nazi 3 hrawng ih Quarantine lut pawl hrang thil an lei lai cu zupi pa in bike caktuk in a mawng ih Mai Nung Za Mawi cu a pah ngah.

Covid 19 Volunteer į¹­uanvonei pakhat cun, “Quarantine lut pawl hrang thil an lei lai ah bike in a pah ngah. Lamziin kap deuh in an rak kian nan bike mawngtu pa speed control thei lo ruangah a pah ngah mi a si.”

“Bike mawngtu cu a khawngaw lo nan Mai Nung Za Mawi cu bike rial nak ah ke na in a feh thei nawn lo. Siizung kan pan pi ih a ke X-ray an zuk hnu ah Ruh siibawi pa in a ke ruh pahnih a kiak a ti” ti`n Chinland Herald dailynews hnen ah a sim.

Siizung lam ih Mai Nung Za Mawi ke ruh kiak tuamhlawm man Ks. 67000 cu Falam AD Pu Ca Awi in a kuan sak tiah CH in a ngan.

Leave a Reply

Your email address will not be published. Required fields are marked *