Benjamin Sum le Hlasakthiam pali sak mi “Virus” a suak zo

Mipi ih hngakhlap zet mi, tufang Myanmar ramsung mino hlasakthiam lar mipanga pawl ih sak mi “Virus” timi hla cu October 19 zaanlam ah hlasakthiam Benjamin Sum in a mai Facebook official page ah a thlah.

October 16 ih Teaser a thlah ni in ka ngai cak tuk ti`h comment cu siarcawklo in a tam ih tui zaanlam hla kim ih a thlah khal ah minute 40 sungah minung 15k luan in an zoh cih ih a share sawngtu 500 an luan.

Silver Gold Band in awnmawi an tum sak ih Lyric video cu Lu Maw Naing (ArtBox) in zoh nuam zet ding in a tuah sak.

Hlasaktu cu David Lai, Saw Htet Naing Soe, Benjamin Sum, Chan Myae Maung Cho, Esther Dawt Chin Sung pawl an siih an aw thluk sangniam ngai a nuam zet.

Benjamin Sum cun “mizapi hngakhlap zet mi “Virus” timi hla a suak zo. Himi cangsuak dingih tawlrelbawmtu zate hnen ah lungawithu ka sim duh. Kan theitawk suah ih sak tlang mi a si ruangah mipi lam khal in ngainuam nan ti ding kan zum” ti`n Lyric video a thlah nak ah ca a ngan tel a si.

Leave a Reply

Your email address will not be published. Required fields are marked *