Benjamin Sum in tumnak nei hran loin a suah leh dingmi hla thar fingkhat a sak

Chin arsi Benjamin Sum in Mizoram, Chin TV night puai an tuah nakah timlamnak nei hran loin a suah leh dingmi a hla thar fingkhat a sak.

Album thar suah dingin timlamnak a nei rero laimi sung ih hla fingkhat a si ih rualpi ngainak hla a si.

Suah hrih lomi hla thar a sak nak san cu tubaite ih an Urkaang thatmi a rualṭha hngilhlonak le ngairiam ah a sak mi a si ih Salai Ṭuan Ling Thang hla a sak ṭheh veten hla thar a sak pehzom.

Hla a sak hlante ah Benjamin Sum cun “hih hla cu hla thar a si dingih, ka buaipi reromi album sungih telmi a si. Rualpi ngainak hla a si.”

“Tuzing ah ka rualpa mei in an rak urkaang ti ka thei tikah, hih hla sak tum lo zetin ka rak sak. Himi original hla cu mizaan ih in tansantu ka rualpi telin hmun hranhran ih ka rualṭha hrangah le ka duhdawtmi Summer pawl hrang ah a si” tiah a ti.

Leave a Reply

Your email address will not be published. Required fields are marked *