Believers Church, Myanmar in CNF hrangah Biakinn A Sak

Believers Church, Myanmar (BCM) kawhhran in CNF/CNA pawl hrangah biakinn a sak suak thu theih a si.

BCM ṭuanvo nei pakhat cun, “Kan miphun le ram hrang nunnak pektu CNF/CNA” pawl in Pathian an thangthat theinak dingah biakinn kan sak sakmi a si” tiah a sim.

Hih thu thawn pehpar in Bishop Dr. CK No Chhum cun, “Kan Chin National Army pawl in Pathian sunglawizet le nuamzet in thangthat theinak ding hrangah Believers Church, Myanmar cun kan ti thei tawk ten “BUARPI CAMP” ah biakinn kan sak sakmi a si. Kan Chin Army pawl in Pathian an thei sinsin ding le Pathian thinlung an theihnak hmun si ding in thla kan cam” ti`n a Facebook cahmai ah a ngan.

CNF camp cu Thantlang peng, Tlangkhua kiangah a um ih biakinn khal nei in CNF pastor khal cuih hmun ah a um cih. (CH)

Leave a Reply

Your email address will not be published. Required fields are marked *