Aung San Suh Kyi in kum 10 sung in Hruai theinak dingin Thlacamsak a ṭul – Dr. Run Bik

Tuiṭum kan rampi hrilawk ah NLD cun central parliament I mipi hril seat 490 lai ah 396 ngah in kum 2015 hrilawknak hnak in a ti tha riai. Hihi party hruaitu Suh Kyi ruangah a si ko.Tuiṭum ahcun bulpak zoh lo in party pe uh a ti lo cing khal in Suh Kyi cu kan pe thluh tho tho a si hi.

Kei cun kum 5 sung lawng si lo in kum 10 sung, cucu kum 2030 tiang ka tinak a si – Dr. Run Bik

Kawl party dang pawl, Tura Shwe Maan I Union Betterment Party (UBP),Ko Ko Gyi I People’s Party (PP) le Dr. Tet Tet Khiang I People’s Pioneer Party (PPP) pawl khal in seat 5 ciar vek tla cu an ngah ka zum nan pakhat hman an ngah ta lo. Ralkap party Union Solidarity & Development Party ( USDP) in le 2015 I seat 41 an ngahmi kha tui ṭum ah 31 ah an tla rupri. Gen.Min Aung Hliang I President si tum a sun mang khal a hlo rori ding.

Hivek si ta cengceng cu Suh Kyi in kum 10 in hruai leh seh kan ti a ṭul ko.A kum a upa tuk lo ding maw kan ti men ding. Harhdamnak lam ahcun ralrin a thiam tuk ko. Natnak ṭihnung a neih lo i tuahmawhnak vek a ton lo cun tui hnu kum 10 ah kum 85 lawng a si lai ding.

India ramah kum 1977 ah kum 83 i upa Moraji Desire in kum 2 sung prime minister a run tuan. USA ah Joe Biden hi a term tawp ah kum 82 a si ding. Kum 1955 hrawngah UK ah Winston Churchill khan PM a voi 2 nak a run tuan i cunah kum 83 a si. Ka ngan/sim ṭheu.Hril tlin mi i kum upa bik cu Malaysia ih Mahathir Mohammed a si i kum 93 a ti ah PM a run tuan leh.

Awle, Suh Kyi hi, hi tluk I mipi I an duh ruangah ralkap pawl khal in an hmaisawng deuh ding ih tuhlan vek cu an puar thau ngam lo ding. Kum 10 sung ahcun kum 2008 Dan se pi khal kan hlon thei dingih federal democracy ngai ngai khal kan ngah ko ding. Tiangyinta pawl thawi doawk khal 95% cu a reh ko ding. Ralkap acozah sanlai I Suh Kyi hrang I thla kan cam vekin Pathian hnen I a dam reinak ding in thla kan cam sak a ṭul a si hi.

Dr. Run Bik

Leave a Reply

Your email address will not be published. Required fields are marked *