Atufang Falam Siizungpi ih Ṭulsam mi ….

Falam ah Covid nathrik a karh cak zetih June 1 ihsin 16 tiang a pehpeh rori`n nat neitu an hmu.

Covid mina 97 Siizung an um zo ih atufang ah Falam Siizungpi ih tuamhlawm rero laimi Covid mina cu mipum 67 an si. Cumi ah Oxygen hiip ṭul mina besia 14 an um.

Khua fate pakhat dinhmun in kan thlir ahcun kan dinhmun a sia zetzo ih mina pung vivo in Siizung umnak ding tiang deih aw lo thei dinhmun kan si.

Cuvek dinhmun kan si tikah hmailam hrangah Falam Siizungpi hrang thil ṭul tamzet a um ih, atufang ṭulbikmi le hmailam caan ih kan ṭul leh dingmi thil thupi deuh pawl cu Falam Siibawi pakhat in a run tarlang.

Covid mina hrang le Siizungpi ih ṭulsam deuh mi thil thupi

1. Oxygen cylinder dur ( pakhat ah 170000 kiangkap)

2. Minaa besia pawl thiikhal lo nk hrang dawh mi Enoxaparin (dawh khat ah 14000 hrawng)

3. Zumthlum thi thlum nei pawl hrang Insulin dawt mi( dur khat ah 30000 hrawng)

4. Antibiotic CS 1(dawh khat ah 6000 hrawng)

5. Oxygen reservoir bag ( pakhat ah 3000 hrawng)

6.Covid minaa pawl hrang ECG (pakhat ah 1200000 hrawng)

7. Minaa besia pawl hrang monitor cet (pakhat ah 1200000 hrawng)

8.Suction machine (pakhat ah 100000 kiangkap)

9.Natdang nei lo a besia lo mi COVID minaa pakhat hrang sii ṭul mi te te 20000 kiangkap hrawng a si ṭheu.
Thlacam nak in siseh sumpai lam in siseh thazang lam in siseh ṭangrual cio uhsi.
Pehtlaih nak….Salai Nghepi Thian Uk Thang(CRCDF sungttuan)
09 427731293

COVID 19 third wave Falam kan dinhmun(17.6.2021 ni tiang)

1.COVID positive minaa ….97

2.COVID in a thi mi ….3 (June thla thok ih mithi pakhat cu Covid a si le silo a ciang ciah lo ih, mina pakhattu cu Hakha Siizung ih thimi a si ruangah Falam ah mithi 3 lawng um in tarlang mi a si.)

3.(17.6.2021) sizung ih tang minaa ….68

4.Oxygen pek ttul minaa besia … 14

5. Nitin in minaa thar an karh vivo…

Cui tlun ah tu lai boruak ruang ah sizung ih hnaṭuan tu sayama pawl khal deih aw a si lo. Mah le mah ralring fimkhur ten um cio uh si.

Leave a Reply

Your email address will not be published. Required fields are marked *