Atufang SAC ralhraang lakih lar zetmi Dr. Ngun Cung Lian Annka

SAC ralhraang thuron Dr. Ngun Cung Lian in Kawlram buainak thu thawn pehpar in a phunpi Chinmi pawl cu nasaten a ṭong san hai tiih thuhla a um mi cu atufang SAC ralhraang lakah a lar zetih ralhraang milai pawl in internet cahmai ah nasaten an theh darh.

Cumicu amah Dr. Ngun Cung Lian ih relsuakmi a si le silo nemhnget theih a si lo ih, SAC ralhraang milai pawl in phur zetih an share sawng ciamco mi catawi cu a hnuailam bangtukin a si.

“Thu phunphun ruangah ICJ ih kan ram heek a si lai ah rammi pakhat dinhmun in ram le miphun duhdawtnak lungthin thawn lainat hna thiamlotu, rak tuar na ve tu na si lo cun Myanmar ram ah um tlak na si lo ih Myanmar mi ka si tikhalin ruat aw nawn hlah. Ramdang ih um na si le na umnak hmun ah um caamcin aw. Myanmar ram thawn pehparawknak ka nei lo tiah ruat men aw”.

“Na suahsemnak Nu le Pa rori tayacuai tu maw na si ding? Na unau pawl tayacuai tu maw na si ding? Ziang tivek ih um saw na duh? Innsang thubuai cu innteek lungput nei in mah innsungsang ah rel ṭhat a ṭha bik”.

“Ramsung thubuai khal rammi lungput nei in ramsung ah rel ṭhat a ṭha bik. Innsang lungput khal nei lo, mah ram rori duhdawt hna thiamlotu cu Kawlram mi siding ah a tlak lo.”

“ဦးသိန်းစိန် san lai ih US ram ih thubuai rak theh lut saktu, Australia thuṭhen zung ih rampi thuron buaipit tumtu, ICC le ICJ ah thubuai phunphun thawn kan rampi heektumtu le England ram in kan ram rak buaipitu tipawl hi kan nih tlangpar um phunhnam tintian in an sinak dik kan thei a ṭul thlang.”

“Ziang si hruthra loin ramdang daan le dun thawn Myanmar mipi cu melmang in taat ih misual ah in can. NLD pawl khalin tha pe in nan lawm a si cun Myanmar thawn pehzomawknak neitu nan si nawn lo. Suahnak nu le pa khal nei lo, pum sung ih a kheu mi minung pakhat vek men nan si.”

“Atu kan boruak hi ka thlir rero tikah Kawlram ih piang, Kawlram thli hawp, Kawlram ti in, Kawlram fangfai ei tu, ramdang ih um Kawlram suak Chinmi pakhat dinhmun in ka ningzak zet a si”.

Salai Ngun Cung Lian
(Kawlram suak Chinmi)

Leave a Reply

Your email address will not be published. Required fields are marked *