CDF Headquarter : Hakha Kahdonak ah SAC ralkap 4 thi, 10 hrawng hliam tuar

2021, May 3 zaan ih Hakha khualipi kahdonak ah SAC ralkap lam 4 an thi tiah CDF – Headquarter in tlangthannak an nei.

Mizaan May 3, Zaan nazi 11 hrawngah khuami pawl in bomb voihnih puak thawm le meithal kap thawm kan thei ti`n social medai an tarlang cece hnu, tuizing May 4 ah CDF – Headquarter in tlangthannak an nei mi a si.

“May 3 lawng ah voi hnih kan kap. Voikhatnak cu Cawbuk gate ah a si ih, cumi ahcun SAC ralkap lam in mithi le hliamhma pu an um le umlo a fiang lo. Cun, zaan nazi 11 tluk ah Hakhathar ziin 6 tongawknak gate ah kan kap sal. Meithal zuun 100 leng kappuak a si.”

“Kanmah CDF lei cu kan him thluh. Zaan a si tikah ralkap lam ziangzat an hliam ti kan fiang lo. Pa 5-6 cu amalbik mithi an um ding zum a um” tiah CDF – Hakha hruaitu pakhat ih sim mi The Hakha Post in a tarlang ih, CDF – Headquarter in SAC ralkap 4 an thi tiah thuthannak an nei leh sal a si.

CDF – Hakha le SAC ralkap hi May 2 ah an kapaw thok ih mizaan ih kapawknak thawn voi 3 an kapaw thlang. Hmiasa ṭum ah SAC ralkap 4 thi an um tiah thuthang a suak ih Mizaan kahdonak thawn Hakha doawknak ah SAC ralkap lam mithi 8 an um zo tiah theih a si.

Leave a Reply

Your email address will not be published. Required fields are marked *