Aizawl ih Kaangmei suak ah Chinmi Sumdawng bungrua tamzet a Kaang tel

December 7, Aizawl bazaar kiang, Chhinga veng Zonunsang Handloom innpi Godown ih Kaangmei suak ah Sumdawng Chinmi bungrua tamzet a kang tel tiah theih a si.

December 7, zaan nazi 9 hrawng ih Kaangmei suak a siih meihlio hluahhlo cu Aizawl meithat pawl in nasaten an phal.

Cuih Godown cu Aizawl ih khawsa kan Chinmi Sumdawng tamzet ih bungrua retnak Godownpi a si tiah theih a si ih Aizawl meithat pawl in caan tawimawi mei an phal hnu ah an mit suak thei sal a si.

Godown sungih bungrua ṭhenkhat cu an him nan meithat pawl ih tidai zitmi cun thil siat ah a can ṭheh tiah Aizawl ih um sumdawng mipakhat in FMO hnen ah a sim.

Amah cun “ziangtin a Kaang thok ti cu kan thei cianglo nan nasazetih hliamhmatuar an um lo ti`n kan thei. Innpi dot tlunlam ah Inntekte khal an um nan Thil kan retnak Godown lawng a kaang. Bungrua ṭhenkhat cu an ziamral nan a himmi khal an um. Asinan a him mi bungrua tamsawn cu meithat pawl ih zitmi tidai in a siatsuah. Thuamhnawṭha ṭhenkhat cu Rong an kai thluh ih thilsia ah an cang. Tukhalah tidai thawn an zit ruangih a hlawmaw ṭhetmi thuamhnaw pawl kan thleidang rero lai” a ti.

Kaangmei suakthokdan le thilri kangmi cungcang cu Aizawl palik in zingzoinak an nei rero lai tiah theih a siih Kaangmei suakmi thuthawn pehparawin Cozah lam in a ṭuldan vekin hmalaknak a nei tum tiah theih a si.

Leave a Reply

Your email address will not be published. Required fields are marked *

error: hahahahahaha !!