A Tlawngta pawl in Dr. Ngun Hnem an Mual Phoh

University of Computer Studies, Kalay ih Headmistress (ကျောင်းအုပ်ဆရာမကြီး) Dr. Ngun Hnem cu CDM a tuah duhlo ruangah a tlawngta pawl in nunsimnak ca an kuat.

Cakuat ahcun “Student Union in voitamzet phone cing in a kai duh lo i hluan ah tlawngta pawl ih dilngennak cu ziangsiar lo in a um ih March 7 tiangah a thlun duh cuanglo.

CDM ah a tel duh lo hlei ah CDM tuahtu pawl cu hnaṭuan dingin a nor ringring. Lampi ih thihnaisuak mino pawl cu kutsih in a zoh men. Cuih tlun ah mi tintian i dodalmi ralhrang Myanmar ralkap pawl cu Tlawnginn ah umhmun khuar dingin a cohlang. Cucu ralkap kedam tang ih khukbil vek a si ih mangbangza ngaingai a si.

Kalay Computer university cu tlawngta pawl hrang a si ih cupawl vuak, thawi, thattu ralkap pawl ih umhmun khuar phu a si lo. Tuvekih a cangvaihnak cu Kalay Computer university hmuhsuam thawn a bangaw.

Curuangah tlawngta pawl ih dilngenmi ngaih sak lo, sia ṭha thleidang thiamlo tlawnguktu cu tlawngta pawl le student union in rampi par ih rin um lo, laktlaklo minung dinhmun in kan zoh caamcin ding a si” tiah an ngan. (ChinWorld)

Dr. Ngun Hnem hi tuhlan khalah CDM thapelotu dinhmun in a hmin a rak sia dah. Cuih thu ah amah lam cun thudiklo a si tiah a rak phuangsuak dah nan, tuahcun a tlawngta pawl rori`n thudik a si tiah an langter a si.

Leave a Reply

Your email address will not be published. Required fields are marked *