A Thar in, Innhmun Dilnak Form An Zuar Thok Saal, Theihṭulmi ṭhenkhat

Falam khuapi karh project ih innhmun phorh thar mi 247 hrangah a thar in dil a theih saal zo ih innhmun dilnak form cu Sep 7 in an zuar thok zo tiah theih a si.

Innhmun dilnak form cu August thla ah an rak zuar thok nan tawlreldan sambaumi a um ruangah form lei zotu pawl khal paisa fai in an khirh saal ih, tu ah, a thar in innhmun dilnak form a lei theih saal zo a si.

Form pakhat ah kyat 5000/- a siih Siipin zung ṭuanvo neitu pawl in Ta-mah zungah Sept 7 in an zuar thok a si.

Innhmun 247 cu Cinmual le Tlanglo vengah phorh thar mi a siih, ‘A’ phun innhmun pakhat ah kyat ting 20, ‘B’ phun innhmun pakhat ah kyat ting 10 le ‘C’ phun innhmun pakhat ah ting 5 ti`n a man khiah a si.

Innhmun pawl cu a duhtu poh hnen ah tui` zarh sung an zuar dingih zuar tikcu a kim tikah camcawhfung zuuk in a ngahtu an hril leh ding.

Camcawhfung hrilnak ih a ngahtu pawl cun Ni 5 sungah bank ah innhmun man sumpai thun ding a siih thla 6 sungah hruang kulh ṭheh in kum 1 sungah inn sak tengteng ding ti a si.

Also Read: Falam khuapi karh Project inn-hmun zem ding UPDATE le Theih ṭul mi

ref:CH daily news