A ropi zetmi Falam khawsung khualbuuk MANG INN onpuai Thlacamnak nei
A ropi zetmi Falam ih khualbuuk MANG INN onpuai thlacamnak cu mizaan ah tlaung ten an nei suak thu theih a si.
Falam RuunInn tlunkum 2020 bat in sakmi a siih mizaan ah minung 30 vuakvel telin onpuai thlacamnak an nei a si.
Cangkang theipatawp ih sakmi a siih a sung ah room 20 a um. Single, double le Family hrang room
tiin a hran teten a um ih hmun hla ihsin training neinak, meeting neinak tivek hrang khal hman theih dingin tawlrel mi a si.
Restaurant room hrang ding khal a hranten a um ih nikhat, zaankhat, nithum, zarhkhat, thlakhat rei khalin hlan theih a si.
Asinan, tu ahcun onpuai tuah sung men mi a siih a rei hlan ah service pek a si cing ding.
