A Mipi le Chinram hum in CNF/A a cangvai tum thlang

Ralram ralthuam hmangin Mindat khuapi ciilnuaitu SAC ralkap cu Chin ralkapbu pakhat a si mi CNF in nasaten a soisel hnu ah Chin mipi hum in atakih cangvaih a tum thlang thu Myanmar Now hnen ah a sim.

“SAC ralkap in zangfahnak nei loin mipi a soisa. Curuangah CNF cun a mipi hrangah thoding in humhimnak hrang ṭuanvo a la ṭul tiah kan ruat ih ramkhelnak zawngin siseh kahdonak khalin kan do let ding” tiah CNF ṭuanvonei Salai Htet Ni in Myanmar Now hnen ah a sim.

SAC ralkap cun ralram lawngih hman dingmi ralthuamtum pawl hmangin Mindat khuapi le CDF Mindat umhmun khuarnak an kap nasa ih mipi humtu paralṭha 5 hnakih tam nunnak an liam.

Ralthuam thlauaw ruangah le Mipi zawnruat in CDF – Mindat dung a siip tikah tui` dinhmun ah Mindat khuapi cu ralkap kut sungah a um a si.

Kaphnih kahdonak ruangah le ralkap ṭih ah nauhak upa tiumlo, khuasungum mitam zetin inn le Lo suahsan in hramlak ah beunak hawl in an vak an tawi.

Cuvek dinhmun a si ruangah Chin ralkapbu pakhat a simi CNF cun a mipi hrangah hmainor tum in a cangvai vivotum a si.

CNF hi Chinram sungah Mipi hmuhhngan rori`n cangviahnak a nei tuk lo nan ralram ah kan ralkap nunnak a liam ti`n theihternak ca an suah ṭheu a si.

Leave a Reply

Your email address will not be published. Required fields are marked *