A Hardcore Fans pawl in Benjamin Sum an Mangbangter – VIDEO

Myanmar rampi huap level ih hminthang, Myanmar Idol season 4 runner-up Benjamin Sum cu a fan “Summer” pawl hnen in suprise cake a dong lala.

Suprise Cake a ong lai cu video thawn an zuk ih Summer hardcore fans pawl ih tuah mi Facebook group ah an thlah.

Video ahcun Benjamin Sum in cake a keng ih “OoOoOOoOo U Thawng ‘Summer’ pawl hnen in Congratulation cake a thleng” a ti. (U Thawng a timi cu a manager mikherh kherh duhnung pate kha).

An suprise nak, Cake bangdeuh nawn ih tuah mi cu keyboard vek deuh a kiil ah a um ih a lai ah Mic lem an ret cih.

Benjamin cun keyboard vekih tuah mi cu hmet phah in a ka thawn a awn ter phah ih, Nazi 15 sungah View tu Million khat luan a nei mi hla ” ဟိုဖက်အိမ်ကကောင်မလေး” chorus tlanghnih te a vun sak phah.

Cuhnu in Mic a vun thlir cu kyat 5000 ca peh sau mi in a thlun cih. A dir vivo ih zoh dan ahcun cem thei lo ding a bang. Amah khal a lungawi zet. A dir vivo ih kyat 10000 ca peh sau mi a suak lala ih a mah khal mangbang in a lungawi zet.

A dir suak ṭheh hnu ah a fan pawl hnen ah lungawi thu a sim ih hmailam caan ah ka zuam vivo ding ti`n thu a kam.

Paisa a dir suak lai fangte hrawng ih a um daan te cu a fan pawl in an lawm zet ih mipakhat cun “Covid 19 khal ka hngilh lawk rori” ti`n comment nak ah a ngan.

A video rak zoh ve aw.

Himi Video cu Benjamin Sum hardcore fans pawl ih tuah mi “We Love Benjamin Sum ❤️ MMID S4 Official gp ta lak mi a si.

Leave a Reply

Your email address will not be published. Required fields are marked *