88 Tlawngta Hotu Hlun Dinhmun In Ralrin Peknak Le Sawmnak

88 kum cangvaih lai kandung i phurzet i teltu hrekkhat pawl kha Ralkap aanaa ting veten kanmah inrak zuarthlai tu ah an hung cang.

Atu kum 2021 ih kan tonmi ah santhuanthu nolh sallo ding in zuam uhsi. Ralring uhsi. Thim le tleu karlak i kanum lai asi. Mipi cangvaihnak le tleunak dodal in mai hlawknak hawltu (Opotunist) pawl, mi zuar thlai hmangtu kansung lala in asuak thei. Cu pawl cu kanral No. 1 ansi.

Himi cangvaihnak support theilo tu an um khal le anthuthu, asinan dodal hlah haiseh. Adodal tu cu zalennak phatsantu ansi.

RAMSUNG UM PAWL SAWMNAK:

1: Ramsung um pawl lamzin in siseh, adunglam in siseh Ralkap uknak siava dotu zaten lungrualten,raltha zet le fimkhur ten hmailam ah nawr vivo uhsi. Thahrum tello ten daiten cangvaihnak lamzin ah feh tlang uhsi.

2: Lamzin i hmellangter naduhlo khal le natel theinak tampi aum. CDM-tel ruangih harsat tong pawl bawm awk nak ah civil society hotu pawl, biaknak lam hotu pawl, tangrual in bawm awk tawn thiam kantul ding.

RAMLENG UM PAWL SAWMNAK:

3: Ram leng um zaten, mai umnak cio ah, demonstration tuah, TV zoh le Fb i comment tuah le zuk thlah men lawng atawk lo. Tuvek ah kan miphun in thuksinsin anlo tul asi.

(1) Na umnak ram cozah le mipi in hi kanram zalennak hrangah tanpi tu ah sawm cio uhsi.

(2) Ralkap, palik, cozah hnatuan sungkhat naneih le CDM ah tel dingin sawm uh, anharsat nak hi bawm uh.

(3) CDM ih ateltu pawl harsatnak, CDM antel ruangih mipi tulnak tampi ahung um vivo ding. Ramleng i nabom thei mi cu sumpai asi. Curuangah mai ramthen cio, mai kohhran cio in CDM-FUND tin sumpai ahran ten khawm khawm cio uhsi.

(4) Lamzin zawh in duhphorh lawng silo, zalen nak taktak, federal Union pi kandin thei nak dingah roadmap thate, strategy thaten tuah theitu mifim ramsung-ramleng-ramdangmi kawlruai in plan thaten tuah thei tu mifim mithiam kantul.

A nung kan cung Pathian in tleunak ah inhruai in thisen luanglo ten zalennak taktak aum mi rampi suak hram seh!! Thisen luang aum pang khal le luangtam lo ten, luanman um hramseh!! KUTKAI AW IN HMAI NOR SIN UHSI! TLEUNAK NI ARA SUAK SAL DING!! (Himi sawmnak hi nakuat sawng vivo thei)
via
Global Chin (Falam) Organization

Leave a Reply

Your email address will not be published. Required fields are marked *