31.4 million kyat Bawmnak dongtu Benjamin Sum in Lungawithu Sim

Myanmar rampi huap level ih hminthang, Myanmar Idol season 4 runner-up Benjamin Sum cun Idol zuamnak a neih hnu ah awnmawi khawvel ih a ke kar nak ding hrang, ramdang bawmnak a ngah mi pawl a tarlang ih duhdawt lainatnak lungthin thawn a hrang ih a hlutu pawl hnen ah lungawithu simnak a nei.

Amah cun, “A hmaisa in duhdawtmi nu le pa, u le nau nan zaten Pathian in thluasuahnak lo pe hram seh!

Tu ih ka post mi hi Zuamawknak theh ih in duhdawttu pawl(Summers) in, in duhdawtnak, zangfahnak langternak ih in tuahsakmi a siih, ka hmailam hrangah ziin kaupi in onsaknak tla a si. Nan zate parah ka thinlung zaten lungawithu ka lo sim.

Himi nan cemliammi pawl hi ka hrangah a ropi ngaingai ih, hi lungput nan neimi hrimhrim hi ka upat tuk lawlaw. Bomtlak le dinpitlak si dingin keimah lam khalah ka theitawp ka suah vivo ding.

A thok ihsin tuini tiang, cun, a ra lai dingmi caan pawl khalah ka hrangih nan caan le nan ruahnak, nan cemliammi zaten Pathian in nan hrangih lungawinak le thlawsuah donnak ah canter hram seh tiah thlaza ka cam.

Cun, himi cangsuak thei dingih cangvaitu zate parah le a hleice in David Nun Tho parah lungawithu ka sim bet duh” tiah a mai` Facebook cahmai ah a tarlang.

Bawmnak a dong mi pawl cu US, Canada le Norway ram pawl in a siih a zaten Maymar kyat 31.4 million a kim a si.

Leave a Reply

Your email address will not be published. Required fields are marked *