2021 Dothlennak ah Chinmi miralṭha 14 mual liam zo

Kawl ralkap pawl in 2020 rampi hrilawknak ih mipi hril tlin mi Myanmar hruaitu vuak thlak in hriamhrei meithal rinsan ih kumpi cozah thuneihnak an la hnu February 1 ihsin April 3 tiangah Chinmi miralṭha 14 kan sung zo a si.

Miralṭha 14 pawl cu ralkap/palik kut tuar lole ralkap/palik thawn pehpar mi ruangih nunnak liam an siih Chin san thuanthu ah Pa/Nu ralṭha dinhmun in kan ngam khum hminsin camcin dingmi an si.

Pa/Nu ralṭha 14 pawl cu Nuralṭha Dawt Hnem Sung A.K.A Aa Khu (kum 37), Thang Hou Gin (kum 25), Zo Sang Liana (kum 19), Lianzuali (kum 35), Salai Van Biak Thang (kum 19), Pa Cin Khan Mang (kum 29), Nu Maria (kum 55), Salai Cung Lian Ceu (kum 25), U Ram Hlur (kum 68), Thang Hawm Lian (kum 26), Salai Than Sang (kum 26), Do Suan Kim (kum 26), Salai Maximin No Cin Thang (kum 28), Lai Mary Magdalene (kum 15) pawl an si.

Thailand hrambun Assistance Association for Political Prisoners (Burma) ngan khum mi vek a si le rampumhuap in 2021 Dothlennak ah nunnak liamzotu 550 an um ih miṭhen cu an sungte pawl in ruak hmuta lomi khal an um a si.

Hram : CDM Support for CHIN

Leave a Reply

Your email address will not be published. Required fields are marked *