2020 rampi hrilawknak ah Falam in Vote dik lo 3843 a um

Myanmar ralkappi cun 2020 kumpi Myanmar hrilawknak ah Myone, ramṭhen dangdang ih a ralkap vote thlak zat thawn pehparin zingzoinak a nei sal ih, cumi ah vote diklo a um a timi pawl cu khawtlang mipi hmuh theih dingin a tarlang.

Vote thlak mi zohsalnak ih a hmuhsuah mi cu voi 11 a tarlang zo ih tui` sun ih a tarlang mi thawn voi 12 nak a si.

Cumi voi 12 nak a tarlang mi ah Falam Myone ihsin vote diklo 3843 a um tiah tarlang a si ih Vote diklo an timi pawl cu HmatPungTin ih hmin bangaw 36, HmatPungTin ih nui` hmin bangaw lo 52, HmatPungTin ih pai` hmin bangaw lo 30, HmatPungTin ih hmin diklo 38, kum diklo 14, nui` hmin le kum diklo 16.

Pai’ hmin le kum diklo 16, hmin le kum dik lo 96, kum diklo, nulepa hmin diklo 118, kum , hmin le nui’ hmin dik lo 138, hmin,kum le pai’ hmin diklo 52, HmatPungTin number bangaw 1508, HmatPungTin pakhat thawn vote vei 3 thla 78, HmatPungTin pakhat thawn vote vei 4 thla 12. Kum kim lo vote thla 28, hmatpungtin nei loin vote thla 1585, kum 100 tlun vote 26, zapikom vote dik lo 3843 tiah an tarlang.

Hih thuthawn pehpar in Falam tualsungum pacang pakhat cun “mizaansun, January 7 ah Falam Election Commission zung cun 2015 lai ih Vote peknak thawn pehparmi pawl cu urkang in thianfainak a nei ih, 2020 rampi hril awnak ah VOTE dik lo a um timi thuthang a um thawn soisel an hlawh nasa.

“Cubetah, tui` sun ah hivek ca a suak bet cu mipi lung a ti hring sinsin. Ruah ding tampi a um” a ti.

Leave a Reply

Your email address will not be published. Required fields are marked *