Ralthuam famkim thawn apawtu kyat ting 100 tiang pek ngam

CNO/CNDF in ralthuam famkim thawn an hnen ih apawtu ralkap le palik kyat ting 50 a pe mi cu a letkhat rori ṭhan bet in an pum cawm awk nak hrangah kyat ting 100 kan pe ding tiah thu an suah.

Tuhlan ahcu ralthuam famkim thawn an hnen ih apawtu cu kyat ting 50 pek a rak si ih, kan dung kum 2022, december 26 ih CNO/CNDF hnen apawtu Falam hrambun ralkap pakhat khal cu ralhraang kuthnuai ah hnaṭuan peih nawn loin ralthuam famkim thawn CNO/CNDF hnen ah a apaw.

Cuih ṭum ah CNO/CNDF cun a tiam cia vekin a pum cawm awk nak hrangah kyat ting 50 laksawng pekin hmun him ah an kuat cih.

Kyat ting 50 pek a rak si mi a letkhat rori ṭhan betin kyat ting 100 pek ding mi thu cu February 13 ah tlangthannak an tuah mi a si.