Mutual Respect le Lungrualnak – Mai Olivia YinHua ThawngLuai

January 18 ah CNA/F ralkap in nauhak Tlawng ṭum lai ah Falam palik an kap ih mipakhat thi in Tlawngta nauhak pakhat an kap ngah tel.

Cuih kahdonak cu Falam hram bun CNO/CNDF ralkap in theihternak zianghman nei lo in nauhak Tlawng ṭum lai ah Palik an kap tiah thu an suah ih, cuih thu thawn pehpar in Chin National Organization AGS-II, Mai Olivia Yinhua ThawngLuai in hitin a rel ve.

January 18, Falam khuasung kahawknak a um mi thu ah Chin National Organization AGS-II, Mai Olivia YinHua ThawngLuai in hitin a rel.

Zo kan si khal le, pengdang le mi khuasung ah kan caangvai ding a si ah cun a hmun i hriamkai ve tu kha theih ter/ lungkim awk nak lak ta a ttul ti kha CJDC ih danbu ah tla a um si ko lo maw?

Mi inn kan leng hman ah sangka kan king ta ttul vek in, an inn sung thilri duhduh in kan kai/kan tham lo. Ram le Miphun humhimtu Ralkap a si mi nih cu ethical standard a neitu si ding hi a thupi tuk.

Kawl ralhrang hman kan do neh thei hrih lo ih, kanmah Chin ralkap karlak ah thubuai suak ding cu zohman nih tuah lo seh la duh a um tuk rori. Mimal hrekkhat ruang ah hnaihnok nak a suak ringring.

Kannih cu do awk ding kan si lo, ṭangtlang in fehtlang ding kan si. Lungrual te’n kan fehtlang thei nak ding ah cu Chin hriamkaibu karlak ih a um ṭul mi “Mutual Respect” a si.

Leave a Reply

Your email address will not be published.