CDF – Hualngoram in Lamzin hnaṭuan pawl an kai
Ralhraang cozah pumruang pakhat a si mi Ministry of Construction hnuai ah tender lakin lamziin hnaṭuantu John and Joshua Company Team cu HPO/CDF – Hualngoram in tu ni March 18 ah kan kai ti`n thuthang an suah.
CDF – Hualngoram cun “tu ni March 18 ah ralhraang ralkap thawn thurual tlangin Ministry of Construction Department of Rural Road Development hnuai ah daan kalh in hna a ṭuantu John and Joshua Company Team cu thu felfai kan theifiang thei nak dingah kan kil khawi sung”.
Kaikhihmi pawl ah kum kim lo nauhak le kum upalam an tel lo. Himi hnaṭuannak thawn pehpartu zate cu daan vekin hmalaknak kan nei sak ding” tiah thusuahmi ah tarlang a si.
HPO/CDF – Hualngoram cu CJDC (Chinland Joint Defense Committee) sungtel an si ih, tu ni ih kaihkhihawknak an tuah mi khal cu 2022 January 24 ih CJDC thusuah sirhsan in an tuah mi a si.
CJDC thusuah ahcun CJDC ralkapbu sungtel hmunram pawl ah ralhraang ralkap thawn pehparmi hnaṭuan kan kham ti`n a um.
HPO/CDF – Hualngoram cun mi ziangzat an kai timi siseh, khawi nah hmun ah an kai tivek cu an suah tel lo.
