Bing hmuan ih Kulihlawh Kalaymyo Mino an pung
Kalaymyo kiangkap, Bing cinnak hmuan pawl ah mino tam zet hna an ṭuan tiah theih a si ih, ramsung boruak a ṭha lo ruangah mino pawl cu hnaṭuannak nei loin Bing cinnak lam ah hna an ṭuan nasa ti`n Kalay riitsiilam thutheittu mipakhat cun a rel.
Kum 2021 ihsin hna neilo an pung sawt ih, tudinhmun ah ramsung thil man a kai vivo bet. Khawsung ah hna ṭuan ding a mal ruangah le Bing hmuan ah hlawh man a ṭha sawn ruangah mino tampi cu cuih hmun ah hna an ṭuan nak san a si.
Tualsung ah mipa pakhat in nikhat ah kyat 8000/ an hlawh laiin Bing hmuan ah kyat 10,000 an hlawh thei hlei ah suksonak cemliam an tum sak cih. Nunau an si le nikhat ih kyat 6000/ an hlawh mi cu Bing hmuan ah kyat 8000/ an hlawh thei.
Hnaṭuanttu hi kum 15 – 22mi an si tlangpi ih, hnaṭuan dang an nei lo ruangah le Tlawngkainak remcanglo ruangah Bing cinnak hmun ih hnaṭuan an si.
Bing hmuan tamnak Tonzang ahcun hmun 35 ih hmun 20 hrawng cu Khawpumhlumin Bing an cing ih, innkhi 10 ah inn 2 tlukin Bing an cing tinak a si. Khaw ṭhenkhat ahcun innkhi 10 ah 5 tluk hrawngin Bing an cing tiah The Tahan Post cun a tarlang.
Tuvekin Bing hmuan ih hnaṭuantu an pung vivo cun Tonzang bakah Tedim, Kalaymyo, Tamu, Khampat Leilet lam ih tuahduhtu le hahio sawmawktu an tam ti`n tualsungum mipakhat cun a rel.
