Zarhkhat kim zik doawknak ah ralhraang ralkap 100 zikte thi

Karen ram, Kawkareik peng ah mipi ralkap ṭangrual pawl le ralhraang ralkap cu ni 6 lenglo an do aw ih ralhraang ralkap 90 lenglo an thi zo tiah Lion Battalion Commando ralkap pakhat in Khit Thit hnen ah a sim.

Ralhraang ralkap thazaang tamzet cu January 20 ah ChungDu khua kiang khuate pawl ah um hmun khuar tim an tuah ih cuih ralhraang pawl cu mipi ralkap ṭangrual pawl in an va kap mi a si.

Mipi ralkap a si mi Lion Battelion Commando, KNU/KNDO le DKBA ralkap telin mipi ralkap le ralhraang cu January 26 tiang an kap aw.

Doawknak ah ralhraang ralkap an tuar na ih hmunhla ihsin ralthuam tum thawn voi 200 lenglo kap nakin siseh, vanzam thawn voi 10 lenglo bomb an thlak tiah Lion Battalion Commando ralkap cun Khit Thit hnen ah a sim.

Ralhraang ralkap an tuar na rualin hriamtum hmang in le vanzam thawn bomb an thlak ruangah mipi umnak inn 5 hnak ih mal lo a kaang ve.

Cun, KNDO ralkap ranksang pakhat le mipi ralkap 2 in ram le miphun hrangah nunnak an hlan ve tiah thuthang kan thei.