Thawngtlak tampi tlansuak nan kai ngah sal, mipakhat kap that
March 14 ah Shan ramkulh, Nyaungshwe thawnginn ah thawngtlak 10 pawl an tlansuak nan ralhraang ralkap in reilote ah an kai thluh sal tiah theih a si.
Ralhraang ralkap thuphuan dan ah thawngtlak tlantum hi minung 13 an si ih Thawnginn hruang sung ah mi 3 kap ngah in pakhat cu a hmun rori ah a thi cih.
Mi pahnih in hriam an tuar ih, midang 10 pawl cu a leng tiang an thleng man zo nan ralhraang ralkap lam in reilote ah kan kai thluh sal ti`n an sim.
Thawnginn thawn naivaitu mipakhat cun “tu zing ih thil cang a si. Thawngtlak pawl in kaihcii le fung thal keng in palik duty lai an zawn ciamco ih tlansuak an tum.”
“Thawnginn hruang an kai lai ah meithal an hmet puak ih mipakhat an kap that ngah. Tlansuak thei lo hriam tuar 2 an kai. A dang pawl cu lenglam tiang an thleng man nan reilote ah kaih thluh an si sal” ti`n ralhraang lamṭang media hnen ah a sim.
Ralhraang ralkap lam cun Thawngtla tlansuak mi 10 pawl hi caan reilote ah kan kai thluh sal an ti nan ramsung thuthang ṭhenkhat ah tlansuak lan ṭhenkhat an um ti`n report a um ve thung a si.
***Zuk hlun
