Siat tong inn luhcilh in MITHI RUAK lak sak
Kachin ramkulh, Mohnyin peng, Nanma khua ah ralhraang kut tuar mithi an topi lai cu ralhraang ralkap in luhcilh in mithi ruak an lak sak hlei ah mithi topitu mi tam zet an kai tiah theih a si.
Ralhraang kut tuar siattongtu cu kum 30 hrawngmi ကိုဒီပါ tiih kohmi mipa a si ih January 12 ah ralhraang ralkap in khuasung lam hoih in ralthuam tum an kap ruangah hriam napin tuar in a thi mi a si tiah an sim.
Tual sung um hminthup mipakhat cun “Feb 13 zinglam nazi 7 hrawngah ralkap rual mawṭaw thawn an ra. Nan phum thei lo ti`n an hringhro. Mithi ruak an phur ih topitu le a vui tu ding miṭhenkhat an kai” tiah local media hnen ah a sim.
“Thu um dan cu February 12 ah khua thawn peng khat hrawng hlat ih um နန်းမားအမြောက်တပ် number 367 ihsin khuasunglam hoih in ralthuam tum an kap. Kahdonak zianghman a um hran lo. Siizung kiang, Aung Mingala veng ah a tlak puak ih mipakhat a thi” tiah ကိုဒီပါ thih thu thawn pehparin amahcun a rel bet hrih.
Khawmi pawl cun ralhraang ralthuam tum kap ruangah a thi mi a si ti`n an rel nan ralhraang ralkap lam cun bomb a tuah lai ah a puak mi a si tiah sual an puh ih a ruak an lak hlei ah mithi topitu le kiangkap naivai ih um mipum 20 lenglo an kai tiah theih a si.
