Ralhraang ralkap in Biakinn Urkaang

Sagaing ramṭhen, Shewbo peng, Ye U myone, Chanthar khua ih kum 100 luan zo Catholic biakinn cu ralhraang ralkap in duhsah in an urkaang.

Zumlotu pawl tiang thinlung ti dai theitu darkhiing retnakpi khal vutcaam ah an can thluh.

Tubai ih sak thar mi biakinn area ih inn pawl khal an siatsuah ih biaknaklam suamawknak nasaten an tuah tiah theih a si.

“Mizaan January 14 ah Chanthar khua ah lut in biakinn ah an riak. Tu zing khua an suahsan zawng ah biakinn an urkaang ta. Himi khua hi voi 4 lai an luhcilh zo” tiah People’s Defense Comrada ṭuanvonei mipakhat in a rel.

Chanthar khua hi kan dung kum lam ihsin ralhraang ralkap in an luhhnawh zo ih May 2022 ah voikhat, June ah voikhat ti`n khua an luhcilh ih cuih ṭum ah inn 135 lenglo an urkaang.

December 2022 le mizaan January 14 khal ah an luhcilh bet ih khua suahsan zawngah an riahnak biakinn an urkaang ta a si.

Chanthar khua ah innkhi 800 hrawng a um ih mi tam sawn cu Christian an si.

Leave a Reply

Your email address will not be published.