Ralhraang in PDF mipi ralkap 5 Lu tan bul
Sagaing ramṭhen, MyinMu peng ah SAC ralhraang in kum kim lo nauhak 2 telin mipi ralkap 5 pawl an Lu an tan bul tiah theih a si.
Ralhraang kut tuar mipi ralkap hi mi 4 an si ti`n report a um lawk nan Lu bul miruak pakhat an sar bet tiah kiangkap naivai khuami pawl in an rel.
An ruang le tan bul mi Lu pawl dawngdah zet ih an ret mi zuk cu internet cahmai ah thlah darh a si ih, ṭhenkhat cu thing par ah, ṭhenkhat cu cabuai par ah ti`n mi ṭhih nakah an hmang.
Ralhraang kut tuar mi 5 pawl lakih mi 2 cu MyinMu hrambun ACID Army People Defence Force ralkap Ko La Min Sein, kum 15, le Phoe Ke, kum 17, tipawl an si ih an pahnih in nungdam rorin an Lu an tan bul tiah mipi ralkap hruaitu pakhat in ramsung media hnen ah a sim.
“Bomb kam lai ah kaih an tuar. An ruak pawl cu February 27 zinglam lawngah kan hmu. An taksa par ah hliamhma zianghman a um lo ruangah nunglai rorin an Lu an tan bul tiah kan zum. Lu um lo ruak dang khal kan hmu” tiah amahcun a rel.
February 26 ah Sagaing hrambun hriamkai pawlkom 7 in ralhraang ralkap an do ih cuih boruak ah mi 5 Lu an tan bul mi a si. Miruak 2 cu zo an si ti theih fiang a si zo nan, a dang 3 pawl thu cipciar theih a si lo.
