Ralhraang ca poimawh tlanpitu an hawl, Hmuhhmuh nakah That dingin thu suah
Naypyidaw military headquarter ih hnaṭuan nunau pahnih cu zung sung cathupi pawl keng in an tlanhlo ruangah ralhraang ralkap in an thuhla cipciar pawl cu rampumhuap ralhraang cozah zung pawl ah kuat thluh in nasaten an hawl tiah theih a si.
Ralhraang hawl mi nunau pahnih cu စရခ (စစ်ဘက်ရေးရာ လုံခြုံရေးတပ်ဖွဲ့အရာရှိချုပ်ရုံး) zung ih hnaṭuan cangantu an si ih February thla hlawh lak thluh hnu ah Naypyidaw ihsin an tlanhlo tiah an sim.
Naypyidaw ralhraang zung thawn naivaitu mipakhat cun “Zung kai dingin an pehtlaih nan thuletnak zianghman a um lo. An tlanhlonak zarhkhat fai a kim zo. Curuangah an thuhla cipciar pawl cu Naypyidaw le ramkulh pengṭhen dangdang ah theihternak ca an kuat thluh ih nasaten an hawl” tiah a ti.
Cuhleiah Military Intelligence Agency pawl khal an hawlter ih kaih ngah naknak ah kap that dingin le PDF bawmtu an si tiah rel dingin tlunlam thuneitu pawl in thu an suah tiah amahcun a rel bet hrih.
Naypyidaw ih စရခ zungpi ah department dangdang 6 a um ih atui nunau pahnih tlanhlo mi cu cathupi pawl retnakhmun zungpi ih hnaṭuan an si ruangah ngaipoimawh hleice in ralhraang ralkap in nasaten an hawl a si.
