Nung cing in Putar le Pitar Urkaang that
Sagaing ramṭhen, Monywa peng, thlanglam Htanaungtaw khua ah ralhraang ralkap in inn 50 lenglo an urkaang hlei ah kum 70 luan zo Putar le Pitar 3 an urkaang that tiah theih a si.
Htanaungtaw khua luhcilhtu ralhraang ralkap cu mipum 30 hrawng an si ih Monywa-Mandalay ziinpi kiang ih um hmun khuar pawl an si.
Tu ni, March 15 zinglam nazi 6 hrawngah Htanaungtaw khua luhcilh in inn 50 lenglo an urkaang hlei ah Khuahlumtu kum 70 luan zo U SeinLin, U HteMawng le Daw KunPung te pathum cu nung cing in an urkaang that tiah မုံရွာ_အမြင့်လမ်းသတင်းမှန်ပြန်ကြားရေး ṭuanvonei mipakhat in tualsung media hnen ah a sim.
“Ralhraang ralkap in zingthlapit in inn 60 hrawng an urkaang. Inn kaang ah tlansuak thei lo putar 2 le pitar 1 an khaang that cih. Minung an um ti thei cingin an urkaang hrim mi a si.”
“Pitar Daw KunPung cu meikaang lak an hmu ah a thaw malte a rak tang lai nan rei a awh lo. Midang 2 cu thi cia in an ruak an sar. Ralhraang pawl cun sun nazi 12 hrawngah khua an suahsan sal ih umhmun an khuar nak hmun ah an kir thluh sal” tiah a ti.
Ralhraang ralkap pawl cun inn urkaang lawng duh tawk loin khuasung ih um mawṭaw cycle le mawṭaw an hmuh sun hmuahhmuah an urkaang tel tiah theih a si.
