NUG hnuai ih Tlawngkai hmin cazin cipciar Dalan in puutdarhter
NUG fimzirnak hnuai ih um FOEIM Tlawngta hmin cazin cipciar a puut darh ruangah ramsung Tlawngta mino pawlkom le NUG bawmnak thawn Online ihsin cazirhtu pawl cun ralring cio dingin mipi theihternak an nei.
Ralhraang hmanfung Banyunt timi account pakhat in Tlawngta hmin cazin cipciar online ah a thlah darh ruangah Tlawngta pawl siseh nu le pa pawl tiang ralring dingin theihternak an nei mi a si.
Data puut darh tertu cun FOEIM Tlawngkai pawl tiih a tarlangmi mipum 500 lenglo hmin cazin pawl a thlah darh hlei ah “Ralhraang pawl ṭanpi dingih tuahtu nu le pa pawl nan tuar ding, rak thei uh” tiah nu le pa pawl hringhronak ca a thlah cih.
Curuangah FOEIM Tlawngta, nu le pa pawl cu hmin cazin an pek lai ih phone number hmangmi tisiat lawk dingin siseh, Phone sung ih um dothlengnak thawn pehparmi data pawl timalh thluh dingin le mah le umnak hmun cio ah fimkhurten um cio dingin theihternak an nei.
Hmin cazin puutdarh mi ah Tlawngta hmin, an phun zat le a dangdang ngan tel a si ih data puut darh tertu dalan cu FOEIM ṭuanvonei pawl in zamrangthei bikin hmuhsuah an tum tiah theih a si.
